حساب الكانات: كانه أتوماتيك(٤فروع)
حساب وتقسيم كانه أتوماتيك(٤فروع) في برنامج أذكي مساعد
تعتبر الكانه الاتوماتيك أصعب من الكانه الصندوق في حسابها بسبب ان فيه كانه داخليه(بيت) في الاتجاه الطويل
بيختلف مقاس الكانه الداخليه(البيت) من كانه لكانه تانيه ودا بسبب أختلاف مقاسات الاعمده وعدد الاشاير في العمود
بيوفر لنا برنامج أذكي مساعد ميزه حساب وتقسيم كانه أتوماتيك
ولحساب وتقسيم كانه أتوماتيك في برنامج أذكي مساعد بنفتح البرنامج وندخل علي منشئ الكانات ونختار الكانه الاتوماتيك(٤فروع)
نضغط علي طول او عرض الكانه لكتابه طول وعرض الكانه اللي عايز تحسبها
وبعد كدا نضغط علي بيت الكانه الاول من اليمين او اليسار ونكتب عدد الاشاير المناسب اقل عدد اشاير ممكن نكتبه ٢أشاره
وبعد كدا نضغط علي البيت التاني من اليمين او اليسار ونكتب عدد الاشاير المناسب اقل عدد اشاير ممكن نكتبه ٢اشاره وفي الحاله دي الكانه هتطلع معانا كانه حبايه(٤فروع)
أضغط علي السهم اللي جنب كلمه أشاير وحدد تخانه(قطر) الأشاير المناسب
الاعداد الأفتراضي هو ١٦مم لحد الاصدار ٦.٠ من البرنامج
أضغط علي السهم اللي جنب كلمه كانه وحدد تخانه(قطر) الكانه المناسب
الاعداد الافتراضي هو ٨مم لحد الاصدار ٦.٠ من البرنامج
لو عايز البرنامج يخصم التخانات من طول السيخ غير حاله سويتش التخانات
الإعداد الافتراضي مغلق لحد الاصدار ٦.٠ من البرنامج
وبنضغط علي زرار أحسب والبرنامج بيظهر لنا طول السيخ(القطعيه)
وفي الفيديو توضيح لحساب وتقسيم الكانه الاتوماتيك(٤فروع) في برنامج أذكي مساعد