حساب الكانات: كانه صليبه(أتوماتيك)
حساب وتقسيم كانه صليبه(٤فروع×٤فروع) في برنامج أذكي مساعد
الكانه الاتوماتيك الصليبه عباره كانه ٤فروع في الطول وكانه ٤فروع في العرض
في برنامج أذكي مساعد بنحسب ونقسم الكانه الصليبه بكل سهوله بنشغل البرنامج ونختار حاسبه الكانات ونضغط علي القائمه المنسدله الخاصه بنوع الكانه ونختار الكانه الصليبه ٤فروع
هيظهر لنا كانتين الكانه الاولي عباره عن كانه ٤فروع للطول والكانه التانيه عباره كانه ٤فروع للعرض
عشان نكتب طول وعرض الكانه اللي احنا عايزين نحسبها ونقسمها
بنضغط علي الطول أو العرض في الكانه الاولي اللي باللون الاسود بيظهر لنا مربع حواري بنكتب في الخانه الاولي مقاس الطول بالسنتيمتر وفي الخانه التانيه بنكتب مقاس العرض بالسنتيمتر وبعد كدا بنضغط موافق
بعد تحديد الطول والعرض نضيف عدد الاشاير المناسب في كل بيت للكانه
نضغط علي البيت الاول من اليمين او اليسار في الكانه الاولي بيظهرلنا مربع حواري بيطلب مننا نكتب عدد الاشاير
اقل عدد اشاير ممكن نكتبه في البيت الاول هو أشارتين ويكون عدد زوجي يعني مينفعش نكتب ٣ او ٥ او ٧ ...
بعد تحديد عدد الاشاير في البيت الاول
نضغط علي البيت الثاني من اليمين أو اليسار في الكانه الاولي ونكتب عدد الاشاير في البيت الثاني
اقل عدد اشاير ممكن نكتبه في البيت الاول هو أشارتين ويكون عدد زوجي يعني مينفعش نكتب ٣ او ٥ او ٧ ...
كدا احنا حددنا عدد الاشابر في اتجاه الطول نكرر نفس خطوات كتابه الاشاير مع الكانه التانيه ونتجاهل الاشاير المشتركه وبرنامج أذكي مساعد هيظهرلنا أشاره واحده في المكان اللي فيه أشاير مشتركه
الاماكن اللي فيها أشاير مشتركه هي الاربع زوايا الاساسيه للكانه
أضغط علي السهم اللي جنب كلمه أشاير وحدد تخانه(قطر) الأشاير المناسب
الاعداد الأفتراضي هو ١٦مم لحد الاصدار ٦.٠ من البرنامج
أضغط علي السهم اللي جنب كلمه كانه وحدد تخانه(قطر) الكانه المناسب
الاعداد الافتراضي هو ٨مم لحد الاصدار ٦.٠ من البرنامج
لو عايز البرنامج يخصم التخانات من طول السيخ غير حاله سويتش التخانات
الإعداد الافتراضي مغلق لحد الاصدار ٦.٠ من البرنامج
وبنضغط علي زرار أحسب والبرنامج بيظهر لنا طول السيخ(القطعيه)
وفي الفيديو توضيح لحساب وتقسيم الكانه الصليبه(٤فروع) في برنامج أذكي مساعد