حساب المكسحات: مكسح سارح (مستمر)
حساب مكسح مستمر(سارح) من الاتجاهين في برنامج أذكي مساعد ومعرفه المقاسات اللازمه للتكسيح
في البدايه بنشغل برنامج أذكي مساعد ونختار حاسبه المكسحات من اعلي الشاشه
بندخل علي حاسبه المكسحات وبنضغط علي القائمه المنسدله اللي جنب كلمه سيخ في اعلي الشاشه ونختار قطر السيخ المستخدم في التكسيح
بعد اختيار قطر السيخ
في الخطوه الاولي نضغط علي الجانب الأيمن للمكسح اللي في شاشه حاسبه المكسحات
بما اننا بنحسب مكسح سارح بنغير حاله السويتش أذا كان مغلق
ونكتب مقاس العمود بالسنتيمتر
ونكتب مقاس ربع البحر المجاور أو متر بالسنتيمتر وبرنامج أذكي مساعد بيستخدم ربع البحر للمكسح الحالي كخيار ثالث أثناء حساب المكسح
في الخطوه الثانيه نضغط علي منتصف المكسح اللي في شاشه حاسبه المكسحات بيظهرلنا مربع حواري بنكتب فيه البحر الصافي للكمره ومقاس الكانات المستخدمه في الكمره بعد خصم الخلوص(الكفر)
بنضغط علي القائمه المنسدله اللي جنب كلمه كانه ونختار قطر الكانه المناسب
ونضغط علي القائمه المنسدله اللي جنب كلمه خمس/سبع ونختار مكان الخمس متوفر ٣أختيارات غالبا هنختار منتصف
في الخطوه الثالثه نضغط علي الجانب الأيسر للمكسح اللي في شاشه حاسبه المكسحات ونكرر نفس اللي عملناه من الخطوه الاولي
ونضغط علي زر أحسب وبرنامج أذكي مساعد بيظهر لنا طول السيخ والمقاسات اللازمه لتكسيح السيخ
وفي الفيديو توضيح لحساب مكسح مستمر(سارح) في برنامج أذكي مساعد